Unë jam Arsea, një qytetare e Ura Vajgurores, një qytet që është duke u zhvilluar me ritme të shpejta dhe që po zbulohet gjithnjë e më shumë për bukuritë dhe vlerat e tij. Ky vend nuk ka vetëm histori, por edhe art dhe kulturë që pasqyrohen në mënyrë të veçantë përmes muraleve. Këto vepra arti i japin qytetit jetë, ngjyrë dhe identitet.Qyteti  ka 4 murale.

1.Ura e Mendjes (Bridge of Mind)-Një vepër që fton në reflektim, duke lidhur mendimin dhe ndjesinë përmes artit, dhe që përfaqëson një urë simbolike mes së kaluarës dhe së ardhmes.

2.Një çift që shikon njëri-tjetrin nga dy anët e një ndërtese, duke krijuar një komunikim të heshtur e të ëmbël përmes murales. Është ndër më të njohurat dhe ka fituar vlerësime ndërkombëtare.

3.Kampioni (The Champion)-Paraqet figurën e një të riu me përqendrim e vendosmëri, që simbolizon fuqinë, shpresën dhe ambicien e brezit të ri.4.Një vajzë e re me kostum popullor, me motive të trashëgimisë kulturore shqiptare, e vizatuar me shumë realizëm dhe elegancë. Kjo murale përfaqëson forcën, bukurinë dhe identitetin e femrës shqiptare. Ajo lidh të kaluarën tradicionale me të tashmen moderne të qytetit.